🛑ইন্ধনৰ অভাৱত দেশৰ হোটেল উদ্যোগত হাঁহাকাৰ

♦️গেছৰ যোগান নিয়মীয়া কৰিবলৈ আহ্বান

LIVE ASSAM : ইজৰাইল আৰু আমেৰিকাই ইৰাণৰ বিৰুদ্ধে চলোৱা যুদ্ধৰ পৰিপ্ৰেক্ষিতত দেশত নাটনি হৈছে ইন্ধনজাত সামগ্ৰীৰ। এনে নাটনিৰ বাবেই অলপতে ঘৰুৱা আৰু ব্যৱসায়িক গেছ চিলিণ্ডাৰৰ মূল্য বৃদ্ধি পাইছে। কেৱল সিমানেই নহয় বৰং বহু ঠাইত গেছৰ যোগানো বিঘ্নিত হৈছে। অৱস্থা এনে হৈছেগৈ যে বেংগালুৰু, চেন্নাই আৰু মুম্বাইৰ দৰে মহানগৰৰ হোটেল উদ্যোগলৈ সংকতেই নামি আহিছে।
মুম্বাইৰ প্ৰায় বিশ শতাংশ হোটেল বন্ধ হোৱাৰ উপক্ৰম হৈছে। বেংগালুৰু আৰু চেন্নাইৰ হোটেল এচোছিয়েশ্যনৰ তৰফৰ পৰা প্ৰকাশ কৰা অনুসৰি ইন্ধন গেছৰ যোগান নিয়মীয়া নহ’লে অচিৰেই এই দুই মহানগৰীৰ বহু হোটেল বন্ধ কৰিবলৈ বাধ্য হ’ব।
একেই সমস্যাত জৰ্জৰিত হৈ পৰিছে গুৰগাঁৱৰ হোটেল সমূহো।
এচোছিয়েশ্যনৰ তৰফৰ পৰা এই কথা কোৱা হয় যে এই হোটেলসমূহ বন্ধ হৈ পৰিলে দেশৰ বহু কাৰ্যালয়, শিক্ষা তথা চিকিৎসা প্ৰতিষ্ঠানৰ লগতে অন্যান্য সকলো ক্ষতিগ্ৰস্ত হ’ব।
এচোছিয়েশ্যনে এই ক্ষেত্ৰত জৰুৰী ভাৱে গেছৰ যোগান নিয়মীয়া কৰিবলৈ চৰকাৰক আহ্বান জনাইছে।
নেচনেল ৰেষ্টুৰা এচচিয়েচন অফ ইণ্ডিয়ায়ো এই বিষয়ে কেন্দ্ৰীয় চৰকাৰৰ দৃষ্টি আকৰ্ষণ কৰিছে। এচচিয়েচনে কয় যে ইন্ধন গেছ অবিহনে হোটেল তথা ৰেষ্টুৰাসমূহ অচল হৈ পৰিব।